2017北海道滑雪觀光飲飲食食之旅Day 8

行程: 札幌

 

 今日終於到旅程尾聲啦, 禽晚見到hk airline既email話flight delay兩小時, 所以我同青姐話不如遲兩個鐘先出發.

我地原本諗住去札幌場外市場食早餐, 點知遲左起身後突然諗起我地已經買左指定席票去機場!! aiya, 點解大家都唔記得呢. 仲遲左起身tim, 所以我地去唔到場外市場, 唯有去二條食早啦.

我地去到青姐經常光顧既店食早餐, 我Order左海膽飯, 另加toro, 味道都唔錯. 之後我就好怱忙買左香印提子, 然後就趕番酒店趕車去札幌站, 乘JR到新千歲機場.

 

去到機場我地又收到email話再delay兩小時, 我地唯有係機場行下, 好彩機場都有好多手信店同食店, 可以慢慢行. 最後因大雪關係, 班機delay左6個鐘先起到機, 唔使好似12月時delay 2, 3日已經算萬幸啦.