28/07/2008 第三天
行程: 知床宇登呂 => 知床五湖 => 雙美瀑布 => 網走駒場 => 網走觀光果園 => 網走流冰館 => 帶廣市
行程: 知床宇登呂 => 知床五湖 => 雙美瀑布 => 網走駒場 => 網走觀光果園 => 網走流冰館 => 帶廣市
揸車大約時間: 知床宇登呂Dolphin Hotel => 知床五湖 (40 mins)
知床五湖 => 雙美瀑布 (45 mins)
雙美瀑布 => 網走駒場 (1 hrs 15 mins)
網走駒場 => 網走觀光果園 (20 mins)
網走觀光果園 => 網走流冰館 (5 mins)
網走流冰館 => 帶廣市 (4 hrs 15 mins)
一早起身食個簡單o既早餐, 我地就check out去知床五湖遊覽,
Dolphin Hotel
Dolphin Hotel雖然細, 但係佢附設一個小小o既露風呂, 晚上可以看到滿天星星, 早上可以看到宇登呂港o既景色, 都唔錯o架
Hotel早餐
Hotel食堂
有家日本人於食堂的露天座位享用早餐
我地沿途見到好多野鹿, 都忍唔住停車影相.仲有幾隻鹿欄住我地架車過馬路呢!!
經過o左一輪彎曲o既道路就到達啦, 新牌仔發揮o左佢o既泊車本色, 攪到我地另外兩架車都冇乜位, 我地影o左佢o既罪證 =P
經過o左一輪彎曲o既道路就到達啦, 新牌仔發揮o左佢o既泊車本色, 攪到我地另外兩架車都冇乜位, 我地影o左佢o既罪證 =P
知床沿途好多鹿呀
鹿橫斷
新牌仔泊的車
由於個湖有熊之出沒, 所以只開一, 二湖.. 我本人覺得二湖比一湖靚啦..
二湖
知床限定雪糕
curry鹿肉, 你敢唔敢試?
食左個知床限定雪糕後, 我地就離開去雙美瀑布, 呢個瀑布係知床八景之一.
我地照禽日行過既路去瀑布, 點知原來條路係錯架, 攪到要掉頭番出大路再行過, 其實沿住海邊行就會見到駐車場架啦.
知床斜里巴士
去完瀑布就去網走食壽司lunch, 點知冇check到個GPS, 所以又再行錯路, 最後要用多半個鐘先到駒場..途中係時候入第一次油啦, 於是就格下價, 見大部份都18x yen, 算啦, 就搵間入左先啦, 順便抺下架車, 因為禽日經過條沙塵滾滾既小路攪到架車污糟哂.
唉, 我地發現入油好似買股票咁, 入完油再睇下其他油站都係17x yen咋喎 >_<
到左網走駒場, 我地入o左間和味無窮介紹o既地方食lunch, 呢間餐廳o既賣點係以電腦落order, d野都幾好味.. (待繽)
網走駒場
鮨ダイニング「月」
電腦order食物
海膽壽司, 正
I love Toro!!
呢個Steak好正, 記住要order呀
南瓜Sorbet
之後我地兵分三路遊覽, 約左5:30係流冰館集合去帶廣.夫婦團友A1,A2同兄妹團友S, K到網走監獄, 團友D同團友M就係駒場附近遊蕩, 至於我同另肥團友就去o左果園摘cherry, 我地搵o左一輪先搵到, D cherry比想像中冇咁甜啦, 我地最後都偷左的cherry俾其他人試下 =P
沿途景色
| 網走観光フルーツ園 => 1000yen Cherry放題 |
玩o左一陣食飽飽oo大家就決定去流冰館, 趁其他團友未到就入埋去玩"fing"毛巾.好彩我系趕得到入館咋, 之後佢地開始截人啦.
首先要搵件羽絨著, 跟住就入一間零下十五度既房fing一條濕毛巾, 一陣間條毛巾就硬左, 因為的水已經結左冰!! 最攪笑係肥團友著左件外套入去fing毛巾, 但佢下身係著住條短褲, 所以越fing越凍, 呵呵, 最後一fing 完就即刻彈番出去.
我地fing完毛巾就想上展望台影相, 見到有條樓梯上樓就跟住上, 點知固條路封左, 有位小姐帶我地去另一個地方, 原來係個電影室, 我地估要睇埋個movie先可以去展望台, 唯有坐係度睇埋先啦.
睇完個movie, 小姐帶我地去番門口, 指住門口條樓梯叫我地上去, 呢個時候我地先知原來唔使入場都可以去展望台架, 唉!!
由於我地又fing毛巾又睇movie, 已經過左5:30, 其他團友都黎哂, 於是我地即刻上展望台欣賞天都山景色同影相, 差不多六時我o地便離開網走, 趕四個多小時o既夜車往帶廣市
網走天都山オホーツク流氷館
係便利店貫花火玩
]
沿路都係好靜, 又冇街燈o既道路, 好不容易終於到達一個稍有人氣既地方 => 帶廣市. 我地入住東橫Inn, 佢地的車位好窄, 要揸車經驗豐富o既團友D幫手泊好的車. 我地checkin後就即刻兵分兩路, 一批食生和牛刺身, 一批食拉麵, 而我就梗係要試下生和牛刺身啦, 翻譯小姐就去左食拉麵.
我地叫o左客生和牛刺身, 生和牛太卷, 我地由於有五個人, 但個刺身得三件, 我地諗住指住其中一件order多兩件, 點知佢誤會左整左兩set出黎, 攪到我地唔敢再叫多set生和牛太卷, 因為已經太多啦 =P
和味無窮介紹既吟壽司
生牛肉太卷, 味道豐富, 好好味呀, 值得encore!
呢個就係因為溝通問題而叫多o左既兩客壽司, 個軍艦壽司同午餐肉差唔多, 所以試過就算
個師傅問我地係咩野人, 我地話係香港人, 佢即刻show的名人既相俾我地睇, 有Jacky Chan, Rcky San, 林志玲等, 跟住我地仲一齊影相o忝, 呵呵, 日本人真係好好客呀.
食完壽司, 本來想去北之屋台食串燒, 點知的鋪頭太細, 好多都剩番一兩個位, 所以我地入唔到去, 只好係出面影完相就走啦..
北之屋台
我地返到酒店都好夜, 但係另一批人未返到黎, 攪到有個團友入唔到門口呢!
一些實用資料:
小清水原生花園=>知床斜里至網走之間的一個賞花地方
http://www.dosanko.co.jp/kosimizu/guide/gensei/
http://www.dosanko.co.jp/kosimizu/guide/gensei/
鮨ダイニング「月」=>網走駒場
http://www.seiwa-dining.com
http://www.seiwa-dining.com
網走観光フルーツ園 =>果物狩獵, 唔同季節有唔同生果, 7月就得車厘子
http://www.bfh.jp/theme/theme_searchdetail.html/80020507901
http://www.bfh.jp/theme/theme_searchdetail.html/80020507901
東橫INN 十勝帶廣站前 --- 唔使多講大家都知東橫INN係出名平既商務酒店啦, 帶廣呢間鄰近帶廣站, 十勝豚井, 六花亭本店, 好方便
沒有留言:
張貼留言