26/07/2008 第一天
行程: 釧路空港 => 釧路 => 釧路空港 => 阿寒湖
揸車大約時間: 釧路空港 => 釧路 (1 hr)
釧路 => 阿寒湖 (1:30 hr)
好啦. 一切準備就緒, 出發啦!! 個schedule好tight好充實, 但都好開心^O^
我地為o左可以玩到盡, 所以選乘ANA凌晨機, 1:30a.m.上機,6:45a.m.到達東京羽田機場, 辦理入境手續拎番哂行李後便乘shuttle bus到domestic flight aiport轉機.
到左機場我地就問下人係邊度check in, 跟住又要去另一個地方寄存行李, 忙完一輪可以周圍行下啦.
估唔到羽田個內陸機場都有好多手信賣, 我地驚D食物過期, 決定回程時先買.
我地於展望台逗留片刻便離開入閘上機, 大約10:30a.m.已到達北海道 釧路機場, 正式開始展開一連九天的旅程. 我用o既相機只係Panasonic 細機FX 7, 影得唔好唔好見怪.
東京羽田機場都幾多手信賣
東京羽田機場, 右手邊就係check in同寄存行李既地方
首先我地係釧路空港Mazada Counter取車, 佢地載我o地去取車處, 問我地要唔要加保費以減輕車輛損壞既損失,跟住就會check車,教我地點用GPS, 攪攪下都成個幾鐘,
要拿拿林趕去和商市場食午餐先得..
Mazada Counter取車
我們的車隊, 陪左我地九日啦
我地租左三架車, 有兩架係一樣既, 個GPS似乎比較新, 我坐固架就大架四驅的, 但係個GPS好多野都search唔到.. 不過冇所謂啦, 有另外兩架車帶頭就得啦, 而每架車都獲分配一個walkie talkie, 以便互相連絡.
原本我地plan左夫婦一架車, 肥團友和兩兄妹一架車, 我, 團友D and M一架車, 點知臨出發前兄妹既父母話唔准坐新牌既車, 所以佢地最後坐左黎我架車, 兩個新牌仔就一齊同車啦 =P
我地set好哂GPS後, 就向和商市場進發.但一開始就出事啦, 帶頭車個GPS Hang左, 我架車又諗住停低check下個位置, 另一架車又話唔應該第一個街口轉彎,係第二個街口轉先岩, 攪攪下大家全部失散哂!! 冇辦法之下唯有跟住自己個GPS去和商市場先啦..
好彩我地好成功抵達和商市場, 會合倒埋其他車, 便以勝手井同花咲蟹作午餐.
和商市場最出名係勝手井. 首先有唔同價錢既飯俾你選擇, 跟住你可以隨意去唔同擋口買刺身,自己製造一碗tailor made刺身飯啦.
有唔同size同唔同價錢o既飯俾你選
跟住就拎個飯去選刺身, 可以每間都買o的
登登登登!! 正正勝手飯就此完成啦, 呵呵呵 ^O^
呢碗飯都要成2100yen架, 因為我叫親既野都好貴下,有海膽, 魚子, 帶子, 吞拿魚腩, 甜蝦.. 其中最貴既都係葡萄蝦, 一隻都要600yen !!! 但因為比較少食, 所以就點都要試下啦. 有幾個團友見一盒1xxx yen既刺身好抵食, 就買黎share, 不過一分錢一分貨, 味道梗係唔好啦. 團友K唔食生野, 就買左炸薯餅食.
花咲蟹係根室產物, 所以都想試下. 佢o既肉好甜好濃, 唔錯唔錯..
我地八個人拆o左兩隻花咲蟹食, 北海道 四大名蟹, 果然唔錯!!
食完午餐行程已經overun, 我o地決定唔去釧路濕原, 直接駛進阿寒湖 溫泉酒店.
途中經過釧路空港, 見其中一架車o既GPS Hang得好利害, 於是順手換埋o架車, 到達阿寒湖 已五時多, 錯過左尾班觀光船了, 只好入酒店check in..
我地第一晚入住阿寒湖 遊久之里鶴雅, 呢間酒店好貴下, 要近二千蚊, 但係裏面好靚下,間部屋好大, 不過最正都係佢一樓o既庭園式露天風呂, 好靚, 仲要望住阿寒湖 o既景緻,初時仲驚大熱天時浸溫泉好熱, 原來只得十五度!! 係呢個溫度下一面浸溫泉, 一面欣賞阿寒湖風光, 好正!
阿寒湖 遊久之里鶴雅
溫泉酒店部屋
WELCOME 糕點
浸完溫泉返到房, 服務員已經set到成張檯都係食物, 今晚係食蟹宴呀!! 我地食完一round, 個服務員又擺第二round, 以為已經完左, 點知又黎第三round, 攪到我食唔哂呀!! 至於兩兄妹唔想食咁貴就選左出去酒店餐廳食buffet.
擺到成檯都係食物
十勝牛好好味
模仿阿寒湖 湖底綠藻球所造成o既甜品, 好有心思
蟹宴的主角登場
食飽飽就落去溫泉街逛逛, 呢度既溫泉街的店鋪開到好夜下, 店鋪有好多木雕飾物賣, 另外有呢個湖最出名o既綠藻球精品賣, 因為阿寒湖 底有一種奇怪o既綠藻球生物生長呢. 行完街街都接近十一時啦, 第一天行程就此結束.返到酒店房已經有人幫我地鋪左tatami啦, 我o地因為之前搭凌晨機好睏, 所以就鑽入tatami裏蒙頭大睡, 因為第二朝想一早起身試浸天台o既溫泉呢!!!
阿寒湖 溫泉街 => 熊之出沒精品店
好可愛的狗狗 => 非賣品
阿寒湖 溫泉街 => 好多精緻的木雕
阿寒湖 溫泉街 => 綠藻球精品
阿寒湖 酒店環境
阿寒湖 獨有的湖底生物 => 綠藻球
沒有留言:
張貼留言