熊出沒注意: 北海道賞花美食自駕遊Day 4 (帶廣, 富良野, 富良野肚臍祭)

29/07/2008 第四天
行程: 帶廣市 => Tomamu => 富良野肚臍祭

揸車大約時間: 帶廣市 => Tomamu (2 hrs by 國道38)

係navi地圖應該有條道東自動道路往Tomamu, 一小時就到, 但可能架車既GPS太舊search唔到, 我地唔想駁既心態, 最後只好行佢suggest既國道38, 用多左成個鐘先到Tomamu.

Tomamu => 富良野肚臍祭 (1 hr 15 mins)

呢日一早起身去帶廣市食早餐, 帶廣市係果子王國, 一場黎到一定要試下佢的果子啦, 係書上得知有間cranberry食甜薯好出名,
我地一行七人(團友D要訓覺)浩浩蕩蕩去食啦, 我地去到附近, 肥仔團友話係附近啦喎, 大家搵下啦.. 我聞到好香既甜薯味, 但就唔知係邊, 翻譯小姐問下人, 發現原來間鋪就係我地隔離!! 真係好攪笑

Cranberry

好大個呀, 要幾個人至食得哂, 但真係好味!

個甜薯好大個下, 要成HKD 100一個, 我地驚好"漏"所以七個人share一個, 果然名不虛傳, 個甜著唔係好甜, 真係好好味呀!!
誠意推介.

食完甜薯下一站就係去六花亭本店, 六花亭係北海道好出名, 所以點都要去佢既本店買新產品同限定商品啦!!

六花亭本館

去完六花亭我地就去左元祖豚井食豚井, 我地原本想等齊人先入去, 但係因為有些人返o左酒店, 唔知幾耐先返, 見排係後面既係香港人, 所以讓左個位出黎啦.. 呢間餐廳就係得一樣野ORDER, 就係豚井, 只有幾多塊豬扒俾你選.. 我因為之前食飽左, 所以就食個細細o地o既.. 個豚井真係好味喎, 好有炭燒味, 的豚肉肥肥地唔"un", 好後悔唔叫多幾塊o忝

元祖豚井 =>竹

元祖豚井 =>華

佢地開11:00a.m. ,要食既話最好將近11:00a.m.就好去啦, 你睇下我地食完出黎見到好長龍啦!

有些團友因為遲o左黎所以要排隊, 我地見咁長龍就外賣番酒店大堂食啦.. 食飽飽就坐新牌仔獨男M o既車去買化妝品, 呢次係佢係北海道第一次揸車, 雖然只係十分鐘o既車程都好驚險下呀, 因為佢比較緊張, 又入錯線又唔讓對頭車就轉彎先, 好彩都番到酒店 =P

中午啦, 係時候出發去Tomamu Resort, 本來我地係地圖見到有條道東自動道路去Tomamu, 一個鐘就到, 點知GPS search唔到, 大家又唔敢博, 結果行左條舊路,用o左差唔多兩個鐘去o固度, 沿路已經霧氣衝天. 到左一條分岔路, 一邊去金山湖, 一邊去Tomamu, 唔知點解頭兩架車都去左金山湖方向, 我地冇理佢地就轉左Tomamu方向繼續向前. 一直跟住GPS去Tomamu Resort. 去到後就等番佢地兩架車, 原來佢地都行錯左路, 其中團友M架車掉頭時撞左埋個路邊, 整花左個車底, 佢好憂心要賠錢呢!

去到酒店check in, 個hotel房都算大, 個view都好靚, 因為間resort座落於山谷之中.. 我地settle down左之後, 就揸兩架車上富良野欣賞肚臍祭啦..

帶廣至Tomamu途中好大霧喎