今早6:30就要爬起身, 因為想再浸多次溫泉. 到左8:00, 我地就係酒店餐廳食早餐, 早餐係自助餐, 都幾好食.食完就上房執好行李, Checkout埋. 就問酒店我地係咪有櫻花祭. 職員話就係附近. 我地問佢可唔可以停架車係度, 行完先揸走. 佢話可以. 所以我地放好行李係架車度, 就行去櫻花祭會場. 職員好窩心, 佢叫我地拎埋酒店門口既遮出去. 我地沿住河口湖邊行去櫻花祭會場, 沿途櫻花仲未開哂, 過多幾日應該會好D. 不過係湖邊散步確實唔錯.
我地到左會場一睇, 原來得幾個檔口, 真係有d失望. 我地係串燒檔食左少少串燒, 就行內路回程. 途中見到間Cafe好似幾好,就入去飲左杯咖啡. 之後行經Wachifield博物館, 我一見到貓我就即刻衝入去睇下. 裏面d精品圖畫真係幾靚. 我終於忍唔住買左d精品啦.
嗯, 差唔多時間啦, 我地要走啦. 我地下一站去甲府士多啤梨園. 就係甲府Aeon Mall對面. 我地出發前已經預約好.所以去到我地被安排係一行度食士多啤梨放題. 呢個果園既士多啤梨味道一般, 而且唔係真係任食. 係只係係佢安排既一行任食, 所以好失望. 士多啤梨園隔離有條櫻花道. 但係已經落緊葉, 所以我地就去埋另一條櫻花椪道睇下.
15分鐘車程就黎到另一條櫻花椪道. 呢條櫻花椪道既櫻花開始落緊, 但仲有幾顆仲開得好靚. 所以我地落車影左唔少相.
影完櫻花大家都覺得今次賞櫻已經足夠. 所以我地就去商務酒店Check in. 我地係網上book左一人一間房, 好爽.
我地係酒店房休息左陣, 就出去食dinner. 因為唔知食咩好, 所以大家話去Aeon Mall附近食. 就係去Aeon Mall附近見到有間食店有車位泊車.所以我地就求其入去食. 我地叫左天婦羅定食. 味道普通啦. 食飽左就算. 之後我地就去左Aeon Mall行街. 估唔到我係Aeon Mall都有買精品同
Accessories. 行到10:00商店開始Close. 我地就落去行埋超市, 行到11:00先返酒店.
我地返到酒店發現冇哂車位. 入去問職員, 原來對面小路既停車場都係佢, 我地就泊係固度. 我地一出車門就見到好大隻串燒字係前面!! 我地互望左一眼, 大家睇法一致, 於是就入左去食宵夜 =P 我地叫左杯啤酒同叫左10串燒食. 炭火燒都幾好味呀. 就係咁我地攪到幾點先返到酒店房叻.
ホテル内藤 甲府昭和
http://www.hotel-naito.com/showa/
甲府昭和 aeon
http://kofushowa-aeonmall.com/
河口湖 木ノ花美術館 (Wachifield貓)
http://www.konohana-muse.com/
沒有留言:
張貼留言