熊出沒注意: 2015東京河口湖甲府賞櫻美食爆喼行Day 5

Day 5行程: 大月岩殿山公園 => 忍野士多啤梨園 => 河口湖

係東京Shopping左成四日, 我地終於拖住戰利品離開東京, 去山梨縣玩. 我地出發前已經係tocoo網book左架Nissan Cube.所以我地放番條key係另個apartment之後, 我地就拖住個喼去澀谷東口拎車. 由Mark City行過去都要15-20分鐘, 拖住喼都有d辛苦. 我地拎左車準備行車之際, 聽到車內聲音. 唯有停車問下租車公司啦, 就係咁樣我地對司機既駕駛技術有所懷疑.

好啦,唔好諗咁多啦, set好gps就出發啦. 由澀谷去大月用Highway的話兩個鐘就到, 但係呢個gps預設左普通道路,攪到過左兩個有料道路入口都入唔到去! 唯有用機google navigation幫助入Highway先. 最後用多左個幾鐘先去到大月.好彩我事前已經用google street view搵左停車場位置, 再用mapion搵停車場mapcode出黎, 所以好容易搵到目的地.

我地今次選大月岩殿山公園睇櫻花係因為呢度比較近河口湖. 而且遊人唔多, 可以大影特影.

影夠左櫻花我地就去忍野士多啤梨園. 出發前想預約士多啤梨放題. 點知佢地回覆成個星期都full哂! 我地於是諗住去睇下有冇士多啤梨販賣. 哎! 原來係冇既.呢個時侯天開始落大雨. 我地商量後決定唔去忍野八海, 直接去河口湖酒店Check in, 好好享受溫泉樂.

我地休息一陣就去浸溫泉. 6:00我地就開始享用懷石料理.

原本我地以為要食好耐, 點知個職員好趕咁放哂d野食係度, 又好快咁收野. 可能佢地仲要照顧其他房客卦. 7:30已經收哂野搵人幫我地鋪Tatami. 我地見時間咁早, 就落左去土產店行下. 見到有櫻花酒好靚, 試飲都幾好飲. 明明想研究下買唔買好. 我就話聽日走前都仲可以買. 睇完土產我地返上房已經聽到肥仔打鼻鼾. 我地都休息到11:00再去浸溫泉. 順便係溫泉沖埋涼先返上房訓覺. 可能呢幾日大家太累, 所以大家都好好訓呢.