熊出沒注意: 2014.12月一個人之台北快閃之旅Day 1

行程: 忠孝復興 => 信義誠品 => 101大樓 => 忠孝敦化東區

12月又到清假月啦, 我要清成6日假呀. 咁急冇時間plan可以點好? 唯有選擇台北啦, 因為上年去過唔使點plan. 所以就黎個4日快閃之旅.

我星期日出發, 但係星期四先買機票酒店, 真係好趕 =P

今次坐香港航空, 早機去晚機返, 終於唔使坐凌晨機. 但就好驚起唔到身 =P 好彩最後都起到身.
去到台北已經13:00, 入左境第一件事更係去買電話卡先. 買左最好既500元plan. ok出發搵機埸巴士去忠孝復興站.

今次由於得我一個人, 住西門町3星酒店都要3xx-4xx HKD. 所以我係airbnb搵下有冇d平既套房住. 睇睇下見到有間評價都ok既住宿. 有獨立房但要share toilet. 價錢HKD195. 於是就去apply. 點知個Host話單人房已full, 只有兩晚雙人房, 佢再幫我搵到間套房, 係同一大廈. 問我要唔要. 我因為太趕所以就話ok. 因為雙人房都係250 HKD per night. 套房就350 HKD per night. 都係budget之內. 而且住宿係忠孝復興站, 有機埸巴士直達, 所以決定book啦.

我約左Host 2:30係忠孝復興站等. 落左車佢已經係度啦, 同時間佢接埋一個由台中過黎玩既深圳旅客. 於是Host帶我地上去叻. 深圳旅客好gentleman, 佢幫我拎埋行李上去, 真係好nice.

其實呢我覺得呢間住宿有d似劏房. 座落係一間小小商廈內. 有保安有lift. 上到去要入密碼. 入到去有個大廳同4個房間, 一個toilet及一個廚房.Host介紹左設施, 又派左房key俾我地. 跟住我就話想食lunch先. 問左Host佢話住宿對面已經有間任食火鍋店馬辣好抵食喎. 於是我就走好睇下. 我見到忠孝復興店價錢貴d,而且個人食要加錢, 所以lunch同dinner同價, 感覺上食dinner抵D, 所以係愛評網搵左間Cafe食lunch. 台灣既cafe俾人感覺好悠閒, 好好Hea. 食完出黎見到對面有間Natural Kitchen, 係由日本開過去既, 香港仲未有分店, 所以我就去睇下. 睇完我就決定坐捷運去信義區睇下. 因為上年自由行我既朋友話已經去過唔再去.

我坐左兩個站去市政府站. 行左一陣阪急百貨, 就逛逛誠品書店. 看看書又買左本品味咖啡既書. 之後就去左101大樓睇下. 其實101大樓同IFC好似冇咩分別. 裡面賣既野超貴. 至在未去過去睇下咁啫. 所以睇完就住車去東區忠孝敦化路行下. 因為忠孝敦化站北面既area有好多boutique小店. 好好逛. 我行行下居然俾我見到馬辣. 價錢平過復興店, 門外又得幾個人排隊. 所以我問店員有冇位. 佢話要9:30先有. 咁我就登記左先, 然後係出面行到9:30先入座. 入到去我一個人要左個一面痳辣一面膠原蛋白湯. 然後出去拎野食.