終於都到左最後一日啦， 真係唔係好捨得呀。 冇辦法啦，要走的始終都要走。
禽晚因為飲左ｄ酒所以唔小心一早訓左，所以今日６點幾起身發現咩都未執，真係頭都痛埋。我決定將一ｄ食物既包裝盒拆走，將兩盒變為一盒。又將ｄ小物左ｚｉｐ右ｚｉｐ， 好勉強執好哂。執到１０：００我地要集合Ｃｈｅｃｋｏｕｔ，揸車去甲府站附近睇武田神社例祭。我地係ココリ泊好架車，就去左甲府站附近睇下見唔見巡遊。從網上得知甲府４月有兩個祭。就係４月頭有個大型ｄ既信玄公祭。而４月１２日就係信玄公死忌，所以有細ｄ既例祭。武田神社例祭起點由武田神社開始，途經甲府站，所以我地１１：３０行去甲府站睇下。
 |
| 戰利品 >_< |
好好彩岩岩見到巡遊隊伍係度，所以我地可以影到佢地。隊伍過左我地就入左去甲府站對面既一間豬扒飯店食吉豬飯。
好彩我地入得早咋，入遲一陣就ｆｕｌｌ左啦。呢間餐廳得豬扒同雞。價錢千多ｙｅｎ唔係好貴，味道都唔錯，好抵食呢。
ｌｕｎｃｈ後我地就安排左自由活動時間。我就行左甲府站商埸。當我地係ココリ集合時， 見到肥仔又唔小心買左成ｓｅｔ漫畫！佢話雖然睇唔明日文，但係１００ｙｅｎ本真係好平喎，都唔知佢點拎番去。
好，係時侯去山梨食士多啤梨啦。 固度其實有６個館４間果園。我地又係預先係網上預約。去到我地又被安排係一行食野。佢係一行種左唔同品種既士多啤梨，有大有細。呢間果園比甲府固間好食好多。可惜又係有ｑｕｏｔａ限，所以好快又食哂。 我地於是嘗試問下有冇得直賣。 可惜佢話已經俾人賣哂＞＿＜ 睇黎想係果園買走好難。
好啦，係時侯要回程啦。我地諗住揸兩個半鐘車去橫濱食鐵板燒。點知係Ｈｉｇｈｗａｙ大塞車！！！ 我地點幾去到８點都仲係Ｈｉｇｈｗａｙ上面！！食唔到鐵板燒之餘真係驚趕唔到ｆｌｉｇｈｔ. 我地決定直去蒲田先。途中因為要解決，所以係中途站停低。呢個中途站好多野食。
我見到有和牛薯餅就買左個黎試下。唔知係咪肚餓呢。果然好好味喎，我又買多左個食ｔｉｍ． 食完我地見有土產賣，於是又行下，結果中途站成為我地一個景點！
休息左陣我地又要趕車啦，去到蒲田已經９點幾。跟住搵租車公司地址。點知搵黎搵去都搵唔到。後黎我研究左中文地址同日文地址，發現差左個西字！原來係西蒲田。真係比佢個中文地址誤導哂。
我地還哂車都已經１０：００。於是就求其係附近食野。岩岩見到有間壽司店。我地就衝左入去食。 我地係４５分鐘內食左個壽司ｓｅｔ，就拖住喼去京急蒲田站坐車去羽田。肥團友因為睇錯左水牌所以導政大家ｍｉｓｓ左兩班車。好彩蒲田ｄ車都幾密。 同埋由蒲田去羽田７分鐘就到。所以我地都準時到機場。
去到ｃｈｅｃｋ ｉｎ櫃位個職員見到明團友既ｓｅｘａｐｈｏｎｅ話唔可以hand carry！ 結果大家既行李超哂標，每人要俾多百幾蚊先得。所以廉航唔好既地方係行李睇得好緊，冇情講。
山梨之櫻花
http://www.rurubu.com/season/spring/sakura/list.aspx?KenCD=19
とんかつ 力
山梨県甲府市丸の内2-1-1 開柳堂土屋ビル B1F
甲府信玄公祭(4月頭一星期)
http://www.yamanashi-kankou.jp/shingen/
甲府武田神社例祭 (4月12日)
http://www.yamanashi-kankou.jp/shingen/event.html
甲府景點:
鶴舞城公園
府武田神社
士多啤梨放題之果園, 最好予約
飯島フルーツファーム
山梨県山梨市南2905
http://www.iijimafruitsfarm.com/
http://www.rurubu.com/season/winter/ichigo/list.aspx?KenCD=19
沒有留言:
張貼留言