行程: 佛羅倫斯 (大衛像, Restaurant Zaza, 老橋)
今日終於结束羅馬行程, 向第二站佛羅倫斯進發.
我地預先上網買左Italo火車票, 係靚d既票種, 因為有時靚票既價錢會平過普通車廂架.
我地呢個Prima票種可以有個fast track地方預先辦登車手續, 車既痤位會寬d, 又會有welcome snack and drink呢.
不過未上車前我地係車站睇下有咩食. 我買左個當地既炸飯ball上車當早餐, 都幾香口好味.
到左佛羅倫斯, 我地就拎行李去Hotel check-in, 佛羅倫斯既建築比較矮, 所以好多酒店都係冇lift, 我地行左三層樓梯先上去, Hotel太子爺會幫其中一人拎行李上去. 我地選呢間酒店因為三人房比較大, 地點ok. 太子爺原來係蘇格蘭人,佢介紹我地去一間出名既地方食牛肚包, 又介紹左買真皮既market, 再介紹左間牛扒出色既餐廳. 由於佢識得老闆, 所以佢可以幫我地R個位番黎呢!
之後我地去左廣場影相, 點知影影下走失左團友, 而電話卡又收得唔好, 於是我決定走去美術學院等佢地.離開左廣場終於收到message啦, 我地約左係美術學院等, 我地之前上網book左3:30睇大衛像真身. 睇完後我地就睇下Central Market. 佢有部份係食店, 但買黑松露醬既地方就close左, 所以我地決定聽日一早黎睇下.
晚餐我地Za Za食dinner, 好彩等左半個鐘就有位. 我地order左牛扒, pasta等等, 佛羅倫斯既牛牛果然唔錯, Za Za整得好有碳燒香味. 呢餐真係唔錯! 有位女waitress仲用廣東話講多謝呢, 難得唔係講國語, 加分!
食飽左我地又周圍行下,去左老橋, 超市等影下相先返酒店休息, 行返三層樓上去真係好累 @_@
沒有留言:
張貼留言