2018意大利深度遊Day 1 (羅馬鮮花廣場, 萬神殿, 許願池)

行程: 羅馬 (Mercato Trionfale, Campo de' Fiori鮮花廣場, Pantheon萬神殿, Fontana di Trevi許願池, Montecitori Palace, Basilica Papale di Santa Maria Maggiore)

Hoohoo.... 繼2014年後, 終於再有機會衝出亞洲啦, 今次用asia miles換到張機票去意大利玩10日! 由於得10日, 所以只Plan去4個大路地方:

羅馬, 佛羅倫斯, 威尼斯, 米蘭.

凌晨機出發, 到達後就買火車票到Rome station, 再步行至附近Apartment. 事前問左Host, 佢俾我地早些放行李入Apartment. 放好就可以出去玩啦.

首先去Rome subway坐地鐵去Ottaviano, 諗住行下意大利街市, 睇下有冇土產賣, 點知發現呢個街市真係一個好平民既街市吧了.

意大利車票, 可於100分鐘任坐. 

 我地坐巴士去鮮花廣場, 但好好多人坐又塞車, 天氣炎熱, 車廂冇冷氣. 估唔到9月尾都咁熱.
我地見咁塞就提早落車. 然後行過橋既另一邊, 最後黎到鮮花廣場.

 鮮花廣場係一個觀光既市場, 除左花, 仲有好多pasta, 煮食香料醬汁賣. 我地試食左白松露超好食.
但價錢好貴, 所以我地冇買到野, 諗住再行下其他地方格下價先.

往萬神殿途中經過Punto Gelato, 於是我地既第一餐變左食gelato. 店內有廿多三十多款gelato, 花多眼亂.

最後選左開心果同椰子, 價錢平過香港好多, 正!!

萬神殿係古羅馬時期的宗教建築，後改建成一座教堂，是古羅馬時期重要的建築成就之一.

萬神殿附近既金杯咖啡被丹布朗曾在「天使與魔鬼」一書中提到是全羅馬最好喝的咖啡」, 黎到點都要試下啦.

羅馬百年冰淇淋老店Giolitti, 雪糕款式非常多, 真係唔知點選擇 @_@, 好想好貪心試哂所有款式 =P

Fontana di Trevi許願池是羅馬另一知名景點, 但去到發現乾左塘! 呢次係繼上次台中青青草原冇羊後, 許願池冇水, 真係咁岩得咁Q!

黎到意大利一定要試下意大利火腿啦, 我地去左許願池附近既Pane e Salame試左意大利火腿拼盤.
10euro有一大盤, CP值唔錯, 香港可能要幾百蚊港幣呢.

我地冇打算坐車返Apartment, 而係行半個鐘返去, 途中經過另一教堂Basilica Papale di Santa Maria Maggiore, 可惜剛過18:00己經close左, 之後就去左附近超市買左d食物, 再係羅馬車站買左麵包聽朝做早餐. 然後就返Apartment休息, 因為凌晨機所以好累啦.