熊出沒注意: 2018意大利深度遊Day 3 (梵蒂岡St. Peter's Basilica聖彼得大教堂, 梵諦岡博物館(西斯汀禮拜堂, 聖天使城堡)

行程: 羅馬 (梵蒂岡St. Peter's Basilica聖彼得大教堂, 梵諦岡博物館(西斯汀禮拜堂, 聖天使城堡)

去意大利最煩既地方係諗下book唔book景點門票. 我爬文見到聖彼得大教堂好多旅客團客, 所以最好晨咁早去.

由於冇得預約, 於是我地第一輪7:30去排隊登頂. 天未光就要起身去Ottaviano站再步行至梵蒂岡. 我地途中見到位修女, 諗住跟住佢應該唔會迷路. 果然我地順利進入梵蒂岡. 再步行至聖彼得大教堂.

晨光初露之聖彼得大教堂, 我地影左幾張相就開始排隊等7:30登頂. 登頂分兩種: 一個是爬樓梯551階，8歐；一個是搭電梯省231階+步行320階，10歐.
我爬文見到頭半部冇野睇所以我同肥團友坐lift上去, 青姐就決定行哂成程, 我地當然唔會勉強佢啦.

我地坐左lift上到一個戶外地方, 之後就進入圓頂部份兜個圈再上, 上面既樓梯道好窄, 又要轉圈到頭暈. 由於好耐冇做運動所以真係好累, 氣都喘哂先上到去, 好彩人唔算多,我地可以盡情影相.

登頂過後我地落番地下進入教堂內參觀, 之後再係出面影相, 嘩! 好彩一早登頂, 之後人龍兜左個大圈.

我地跟住要去梵諦岡博物館參觀. 好多人都suggest預約先, 所以我地book左11點.去到已經好多人排隊, 嚇左一跳, 好彩行前d有俾預約進入既入口, 我地入到去其實都係順住人潮去欣賞作品. 其中有d天花既繪畫非常漂亮. 由於我地既門票撞正每月一次既free lunch, 所以我地可以去canteen換領食物, 當然唔好要求咁高啦 =P

之後我地繼續參觀唔同既館, 例如
編號3：藝術長廊 Galleria Chiaramonti
編號7：掛毯室 Galleria degli Arazzi
編號9：古地圖陳列館 Galleria delle Carte Geografiche
編號14：拉斐爾畫室 Stanze di Raffaello
編號21：西斯汀禮拜堂 Cappella Sistina
編號23：Pinacoteca

其中拉斐爾《雅典學院》, 米開朗基羅於1536~1541年畫的《最後的審判》都係重點作品之一呢.