Day 7行程: 土狗水產, 中山區, 甕也燒肉延吉店
Day 8行程: 家香豆漿店, 吳興商圈
除左上引水產外, 原來有個叫土狗水產, 於是走去試下, 裡面客人唔算多, 我地好驚中伏, 所以叫左個魚生井食下先. 300NT有帆立貝, 油甘, 赤身. 估唔到都幾新鮮, 赤身冇醒喎. 之後我地再order左toro,toro都覺得ok.
聽聞中山區附近好多小店, 所以走去睇下, 但唔知點解見到最多既竟然係salon! 小店就唔覺.
途中見到一間好多人既cafe好似幾吸引, 想入去幫襯, 可惜冇哂位. 我地唯有外賣件earl grey cheesecake坐係門外既櫈度食. earl grey味唔錯, 好想試下其他pastry. 之後又去左間專飲咖啡既地方飲杯咖啡, 都幾好飲.
之後我地去左三越行下, 再去三越uniqlo後面既小街行下, 點知俾我地發現一間好好既小店, 買既衫唔平, 簡約款但有design. 我地唔小心買左堆衫, 買到遲到食晚餐 =P 肥團友已經等緊我地啦.
晚餐食日式燒肉店, 我地book左8點半, 有d食材已經賣哂. 但其實呢間餐廳食物好好味, 係價錢有d貴, 要5xx HKD.
Day 8
呢間apartment超多昆蟲, 尤其厠所好多>_<
搵左間豆漿店食台灣傳統早餐, 就係豆漿蛋卷!
估唔到臨走前都俾我地發現bnb附近有個吳興商圈, 所以去睇下. 吳興商圈好似一個街市咁,有蔬果賣, 我地第一時間諗起愛文芒!
所以我地就買左幾個唔同品種既芒果返香港食. 另一女團友就買左d熟食諗住帶返香港當晚餐呢.
係時侯要返bnb拎行李閃啦. 今次係第一次坐捷運去機場, 但係中間轉車位就行得比較遠.
沒有留言:
張貼留言