行程: 清境青青草原, 天空步道, 小瑞士花園, 統一商圈, 伊拿谷
超早起身梳洗pack好3日2夜既衫同物品,就係曼特先生Check-out, 寄存行李, 向臺中干城站進發.
為的是可以早d買票無縫巴士票入清境, 唔使係埔里轉車.
係干城站南投客運買好無縫車票,就去附近7仔買少少野食.
我地坐8:20分車入清境, 途中會係埔里停站, 但我地唔使落車, 10:40就到達清境國民賓館.
由於太早到國民賓館, 未夠鐘check in, 但職員容許我地放低行李, 同埋提早俾免費青青草原, 小瑞士花園門票俾我地, 安排唔錯.
我地坐11:30既清境巴士去青青草園, 打算由青青草園行返落國民賓館.
成個青青草原除左一片草原什麼也沒有, 羊呢? 去哂邊呀? 我地去到南門問問職員, 原來所有羊去哂做檢疫! 職員話我地真係好彩, 咁都得-__-
青青草原南門有d小食, 我地買左少少食, 之後離開左草原我地就入左天空步道. 呢條步道2017年先起好, 都算新既景點.
從天空步道望落山坡可以見到好多羊咩咩, 雖然只有遠觀但有總好過冇啦. 沿路既風景都唔錯
接著我地經櫻花步道走統一商圈行下.
行完統一商圈我地返國民賓館check in, 並訂左第二朝合歡山睇日出團
我地既房間好舊, 裡面好多野都唔work >_<
燈啦, 某d差電位, 又冇冷氣(唔知點解5月好熱). 出面有個露台個景唔錯, 但就好多蚊, 影完相已經唔敢再打開露台
休息一陣我地就去國民賓館對面既小瑞士花園, 嗯... 呢個花園真係好一般, 好細, 又唔算好靚. 如果唔係免費都唔會入黎 =P
我地行完小瑞士花園就返酒店休息, 6點我地就到酒店大堂等伊拿谷專車去伊拿谷食晚飯. 事前搵到呢間餐廳有車接送往來清境酒店, 岩哂我地非自駕人士.
黎到清境一定要食甕缸雞, 高山蔬菜, 我地叫左條魚, 都幾好味, 價錢唔算貴. 唔錯.
好啦, 要早d訓啦, 聽朝要3點起身去合歡山睇日出!
沒有留言:
張貼留言