行程: 老鼎旺麻辣鍋, 廸化街, 101大樓, 永康街, 遊壽司
之前幾日太早起, 今日訓夠去老鼎旺麻辣鍋食lunch, 佢既鳳爪, 麵, 牛牛都唔錯.
廸化街江記華隆豬肉紙好出名好好味, 但今次發現佢隔離李亭香咖哩餅都好味喎, 試食完我地每人都買左一盒.
101大樓上面商場好似金鐘ifc賣離地野, 但地庫層有貼地既土產手信賣.
永康街有好多食店, cafe, 小店, 我地今次去左朋友介紹既廚師拍板遊壽司, 朋友話佢地飲埋sake都係5xx蚊, 但係我地唔知點解食左成8xx蚊!!! 壽司係新鮮既, 但冇咩驚喜, 如果500蚊我覺得Ok, 但800蚊就覺得唔太值啦.
之後我地買左豆漿同愛文芒返bnb, 因為5月正係愛文芒季, 梗係要食多d啦.
沒有留言:
張貼留言