平時鐘意訓覺既我今日又要好早起身啦, 點解? 咪為左玩過山車囉. 係網上見到長島溫泉樂園係日本第二大遊樂園, 裡面有四款過山車都好好玩既. 其中2019年就新設有一個鋼木混合過山車「白鯨」好似好勁咁, 所以我同青姐就去挑戰下.
我地係名古屋站名鐵巴士站3/F買票. 我地博一次買左來回package, 包來回車票同埋任玩pass, 可以任玩遊樂場機動遊戲, 希望唔好多人到玩唔哂啦. 買票後前往4/F 22號巴士乘車處, 坐巴士到長島溫泉樂園.
由於早到左未開門, 所以我地周圍行下, 但隔離三井outlet都未開門, 所以唯有去遊樂場門口等開門.一開門我地就去白鯨排隊. 好彩只係排45分鐘就玩到. 今日天氣非常好, 簡直有d熱呢!我地開頭以為佢咁大座會有好多限制, 但估唔到都有好多變化, 離心力, 左右飄同轉彎, 好刺激喎. 好多人玩完都拍哂手掌呢!
之後我地就排第二激既steel dragon 2000, 又係排一個鐘就玩到. 佢最正係爬升到好高之後衝落黎, 好剌激, 但景色又好靚.
ACROBAT係一個俯衝式過山車, 大家會打橫咁衝出去, 好得意.
最後一個就係Arashi, 雖然睇佢既路軌唔係好高好似好簡單, 但佢既座位會自轉, 所以比想像中好玩d既. 當然始終都係白鯨最好玩啦.
玩哂4個過山車估唔到都係2點, 所以我地諗住行下搵野食啦. 但係係樂園內睇唔岩, 所以我提議去隔離outlet食lunch.好彩青姐既pass係出左黎係可以入返去而唔使再買入場票, 因為佢一陣會去遊樂園浸溫泉.
我地見到有個食堂好似food court咁, 但會有人帶位既, 裡面有幾間食店, 其中一間みそかつ 矢場とん好似幾出名, 又聽聞味噌炸豬扒係名古屋名物, 所以就入內試下. 我地order左份味噌炸豬扒, 另外order左雞三和親子丼share食.
味噌炸豬扒真係好大塊呀!! 味道其實係幾好既, 不過呢我地都係鐘意冇汁固隻炸豬扒. 親子丼蛋汁撈飯都唔錯.份量十足, 所以食到我地超飽.
其實呢個都算係tea, 因為食完都4點. 我地就分開行動啦, 我去三井outlet shopping, 青姐就去浸溫泉.因為差唔多爆喼, 所以我買既都係accessories多, 另外只買左一件薄外套, 牛仔裙褲. 七點多就坐巴士回名古屋.肥仔whatsapp我食唔食晚飯, 我話食少少都ok, 於是約名古屋等. 佢話係榮食炸豬扒先.
但係我遇上大塞車!!! 我塞左成個鐘先去到名花之里站呢.係仲未離開到長島! 我whatsapp肥仔, 我驚名古屋站食店會早close, 所以轉場去榮食.之前係tabelog搵左堆food list, 見到有間串燒店千亀有3.79, 又係2018百店, 同時12:00先close, 所以岩哂我地食late dinner.佢話去千亀睇下先. 之後店員話full左, 要9點15分先有位, 於是肥仔就hold左位先, 佢話返apartment先, 之後再出黎.
終於我8:45先到名古屋站, 即刻轉subway去榮, 再行十分鐘就到. 有位識講國語既店員帶我地坐好. 有國語店員真係好, 可以問多d問題.
我因為3點幾食左個大大豬扒飯, 所以唔係好肚餓, 食串燒就最岩. 原來肥仔係我未黎時去左一間人龍炸豬扒店食炸豬扒飯, 所以佢都ok.
呢間千亀食物選擇唔算多, 但有我地最愛既牛舌, 仲要係好好味呢! 我地即刻每人order多一條!
我地另外叫左砂肝, 白肝, 肝裡面入口即溶好好味. 總括黎講呢間仲好味過禽日固間串燒店呢!
長島其實好岩一家大細去玩, 因為有遊樂場, outlet shopping, 浸溫泉, 夜晚又可以去名花之里睇
燈飾, 一個地方可以玩到咁多野, 大人細路都唔驚悶啦
長島度假村
三井outlet
雞三和親子丼
沒有留言:
張貼留言