今日又要一早起身啦>_<, 我地係金澤站7仔隔離買左飯團, 走到金澤站東口2號乘車處等車.
我地坐係巴士站食飯團, 但呢個飯團太少餡, 好失望呀.
我地坐8:10車前往金澤.車長會係check好車票, 之後我地就將行李俾司機放落車底. 我地就上車按劃好既座位坐好, 帶上安全帶,就訓個靚覺等車出發.
金澤至白川鄉車程大約1:30小時. 我地都訓得好開心, 途中濛瀧中我醒來, 往窗外一看! 嘩! 好靚呀. 四周都係紅燈黃綠既葉子,由於落雨, 所以又有一層霧, 仲有一藍綠色既河, 好有仙境feel! 我立即舉機影相, 青姐都起左身, 佢見到都話好靚.之後車便迂迴咁到白川鄉啦.
我地落左車, 拎好行李, 就存放係巴士站後既行李房. 價錢500 yen. 之後我地出發去展望台啦.
我地取山道上荻町城跡展望台. 山道就在巴士站出馬路既右邊. 呢條山路大約15分鐘就到荻町城跡展望台. 荻町城跡展望台比較多樹木包圍, 唔算太開揚. 之後再行過d就會到天守閣展望台. 呢度就開揚多了. 可以欣賞白川鄉全景,亦都係最多人影相既地方.
影完白川鄉全相我地就沿車道走近白川鄉四周遊覽. 青姐就俾錢入左一間合掌屋參觀. 我就邊行邊到吊橋固邊影相.
之後我地行番去中間既小屋行下土產店, 食左個飛騨牛薯餅, 又去左一間叫豆吉既豆果子店, 裡面有好多唔同味道既豆賣. 仲有得試食.我就唔小心買左四包啦, 有綠茶, 胡痳, 限定飛騨蘋果同埋胡痳味呢.
我地行下逛下都差兩點幾, 我地因為想坐既3:xx車係冇得預約, 所以我地就早d返去巴士站拎行李, 飲左罐粟米湯, 去埋個toilet,就出去排隊等車啦. 好彩我地早左出黎啫, 真係好多人呀. 亦都好好彩, 唔知係咪佢地見到人多呢, 突然開多左班巴士俾我地上喎, 所以早左半小時出發去高山市呢.
 |
| 離開先黎好天 |
大約50分鐘我地就黎到高山市啦, 我地首先去濃飛巴士中心諗住買奧飛騨2 day pass, 點知佢話要固日買先得, 佢話唔使買定既,所以我地就出埋高山市至名古屋既巴士票先, 呢個係好重要既, 因為網上話好多時會full.
我地換好巴士票就去酒店check-in先. 我地今晚冇選溫泉旅館, 因為想住平d, 可以係高山市餐廳搵飛騨牛食. 但研究過高山市冇夜活架,所以就搵左間有spa浸既酒店, 夜晚可以浸下spa. 我地行10分鐘就到左酒店. 呢間酒店好西式, 叫WAT HOTEL& SPA HIDA TAKAYAMA.
Reception竟然有個講正宗英文既外國人呢!! 非常之好呀, 溝通即時冇問題. 我地聽日要去奧飛騨, 但唔想拎埋個大行李, 所以就問下佢我地可唔可以寄存行李係酒店先, 後日下午先拎番. 原本諗住我地之後都唔會住佢酒店佢實拒絕, 點知佢話Ok! 真係太太太好啦! 我地就pack兩日既用品就得啦.
上到房間係一間幾有格調既三人房, 空間都算大, 只係酒店有些偏離中心區. 我地settlte down完第一時間去食晚餐. 因為呢間餐廳超多人,我地行去酒店時已經見有人排緊隊, 所以要快d去先得.
去到餐廳已經好多人登記緊, 我地都即刻登記, 過左一陣5點餐廳就開門, 店員開始安排顧客入內. 店員係我地後面畫左條線, 我地好驚唔知有冇得食.好彩我地應該係第一輪最後一個.
我地坐低左就有中文menu, 我地最想食都係飛騨牛, 所以就叫左個飛騨牛特上拼盤. 其實肥仔好想食shabu shabu架, 但要2人份起, 所以佢話食左個特上拼盤先再睇下情況. 當然我地不忘order至愛既牛舌啦 =P
飛騨牛拼盤油脂豐富, 放係炭火微微燒下已經好香啦. 我地都喜歡medium既, 所以未熟透就拎起, 入口即溶, 好滿足呢!
我地食完一個拼盤覺得有d肥過龍好油, 所以決定order左個普通d既拼盤試下. 少左入口即溶既感覺, 但肉味就多左. 再黎杯飛騨蘋果汁清清個胃, 爽哂.
食飽左都係7:00, 我地就決定快d去酒店附近既超市行下. 出到餐廳見到有一行十幾個香港人話要入餐廳食野, 但我地出黎時已經見到餐廳截龍,所以我地就提醒佢地啦.
步行左十五分鐘我地黎到超市. 畢竟冇食過飯, 只食燒肉, 所以肥仔未飽. 佢見到有烤蕃薯所以買左條好大既. 另外又唔小心見到新野所以買左, 呢個真係去日本恐怖既地方, 因為唔知點解去親唔同地方既超市都會見到吸引既或者未見過既野想買!!
超市8:00就close啦, 於是我地就拎戰利品返酒店開餐啦. 估唔到個蕃薯超級甜喎! 係咁凍既天氣食熱辣辣蕃薯好正.
飽肚後我地就去浸spa. 佢有個室內同室外既spa, 好多外國人都在浸呢. 不過青姐嫌水唔夠熱. 酒店除左public spa仲有4個家庭spa.但我地一打開們就feel都超凍, 所以冇浸private spa =P 我係出面lobby見到有冰食所以就試下. 有菠蘿味同蘋果味, 都唔錯呢.返到房間同肥仔講, 佢話聽日去spa先食, 好啦, 今朝咁早起身, 大家就早d休息啦.
味蔵天国
味蔵天国
沒有留言:
張貼留言