饗家旅館比一般溫泉旅館遲少少check out, 10:30 check-out都得. 我地睇左去新穗高ropeway巴士時間表後, 決定係旅館浸下溫泉hea到10:30先離開.我地book左8:00食早餐. 旅館題供鄉土料理, 有蛋, 豆腐, 川魚, 五平餅, 樸葉味噌等, 雖然簡單但好味. 但早餐中途有小插曲, 就係青姐燒完魚後唔小心將魚跌落沙堆中!! 佢唯有整走表面只食裡面既肉啦.
早餐過後我地又開始浸溫泉啦, 肥仔早餐前提早起身玩左岩之湯, 話按摩椅好正想再去按摩, 點知俾人book左, 於是只好係本館玩桧の湯.我同青姐就玩宝の湯.
我同青姐係宝の湯發現有部得意既腳部按摩機, 於是我就試玩下, 青姐就去浸溫泉先. 今次呢部機係震震下既, 有d似物理治療時既感覺.
我地發現每間風呂都有按摩器後, 似乎我地miss左桧の湯既按摩器, 所以我地又走去玩番. 桧の湯既按摩器好似腳底按摩咁dump腳底穴位,會有慢同快, 好得意呀. 我仲見到部機17000 yen, 好想有部呢! 肥仔呢個時侯見到全身按摩椅冇人, 所以又走去按, 青姐都想同佢爭,於是佢地就每人玩15分鐘.
玩到10:15我地就返房pack野check out. 因為仲有時間, 所以我就坐下飲埋咖啡先離開.
我地走到巴士站等10:54巴士去新穗高ropeway. 半小時就到達. 我地既奧飛騨まるごとバリューきっぶ 2日間フリープラン係可以係兩日一夜任坐飛騨至高山既巴士, 同時可以有一程新穗高ropeway來回. 我地展示pass換好來回票, 於是就坐兩程纜車至2xxx米既山頂.新穗高ropeway第一段纜車是00分和30分出發, 第二段纜車則是15分和45分出發, 全程所需25分鐘.
我地一口氣上到山頂參觀先. 新穗高可以欣賞日本北阿爾卑斯連峰壯闊的景色, 山上只有1度,開始有雪.最攪野係肥仔竟然仲著住短褲上山!!原來佢話唔記得係行李拎番條長褲出黎! 咁都得! 所以係室外觀景台影完相就衝番入室內. 而我地影完相就係室內睇下土產店. 之後坐番纜車落山等巴士返高山市. 等巴士途中有人會係巴士站旁浸下足湯.
我地遇見一對馬來西亞couple, 同佢地吹左陣水, 佢地係第一次自由行所以佢問我地點坐巴士. 佢地知道我地係香港人就問下香港既情況.聽佢地既語氣佢地似乎係中間派, 唔係好理政治, 但因為有親戚係香港住就關心下. 我地問佢親戚住邊, 佢話元朗!我地就同佢講香港好危險, 尤其係元朗! 因會有白衣人鄉黑周街襲擊市民, 而班警察又唔唔拉, 周圍又放TG, 好危險, 所以免得過都唔好過黎.
傾下傾下巴士就黎啦, 我地就上車, 食下我地之前買既和果子, 到左高山市後, 我地就係高山老街落車, 慢慢由高山老街行返去WAT酒店.途中經過一間店有富士蘋果試食, 我地食完都覺好甜, 一包蘋果6個500yen真係好抵, 所以佢買左一包, 我分左兩個啦. 之後又見到一間專賣胡痳既店鋪好特別, 所以我又買左胡痳製品. 行下行下發現時間唔多, 就返酒店拎行李去高山濃飛巴士中心.
濃飛巴士中心其實都有土產賣, 我地係宮川朝市試過卡樂B岐阜縣限定味噌薯片都幾好味, 所以就係車站買左盒.
5:00我地就坐巴士出發去名古屋啦. 我地係車上訓覺, 經過三小時就到名古屋站. 我地穿過人群去subway坐地鐵去今池站.再行5分鐘就到apartment. 我地經airbnb訂左今池apartment, 同host聯絡好, 佢會send好check-in procedure俾我地, 點樣開信箱密碼拎key,點樣開門, 點樣垃圾分類, 保持安靜等. 我地放好行李馬上出去搵野食, 因為已經9點幾啦. 我地最想去きんぼし 今池店食串燒.
點知去到店員已經話full booking!. 我地行下行下見到有間叫虎串串燒串揚小店都幾多人, 所以就入去試下, 好彩等左一陣就有位, 佢又俾我地入去食應該未last order.
我地order左一堆虎串人氣串燒, 例如白肝, 心, 雞翼, 50yen 3串串揚等, 肥仔就order左個炭燒豚丼填飽個肚呢間串燒店食物都唔錯, 價錢3xxx per head合理. 食飽左我地就去左今池站附近donki行下先返Apartment. 我地都唔明點解之前買左咁多野, 結果都未到名古屋個喼已經full左啦, 之後再買都野都唔知點裝好呢 >_<
新穗高ropeway
沒有留言:
張貼留言