今日終於可以訓晏d啦, 肥仔話想食迴轉壽司店もりもり寿し, 但又驚夜晚食要排好耐隊, 所以佢想11:00一開門就食. 咁所以11:00前我地就係金澤百番街行下買土產. 因為正值秋季, 有好多栗子既和果子賣.百番街都有好多土產賣, 例如雞庵雞蛋布丁, LE MUSEE DE H千層餅乾YUKIZURI, 柴舟小出等等. 都幾齊全. 仲會有關東煮包, 而車站另一邊就有好多蝦餅, 零食, 蟹miso等等, 所以我地買d買d都買左好多啊 >_< 車站二樓有藥店, 超市, Watt 100yen店, 另外車站又有Franc Franc, 3 coins, Kaldi Farm Coffee等, 都幾好行.
我地11點就去Kanazawa Forus 6樓食壽司, 好彩唔使排就食到. 但係唔知係咪禽日食乙女壽司太正既緣故呢,總覺得もりもり寿し好好冇咩特別囉 =P
lunch後我地出發去兼六園, 天下緊雨, 我地落左巴士走行去兼六園, 途中見到有把紫色貓貓大傘好可愛, 所以我就買左. 順便遮下雨. 入到園內, 其實冇想像中見到全園紅葉盛放既樣子. 開得最靚應該係山琦山了. 另外池邊既紅葉都幾靚既.
差唔多行完兼六園先開始好天, 影唔到靚相呢, 因為我地要去另一景點東茶屋街.
我地去巴士站中途走入一間綠茶專賣店行下. 買左綠茶蛋糕, 糖, 仲有即食綠茶蕨餅.
我地又係坐巴士去東茶屋街. 係古老既茶屋街行逛好有風味. 而茶屋街都有好多手信店. 又有茶屋, 咖啡店, 金箔霜淇淋,我地行到六點多就close啦, 於是我地返回金澤站繼續行街. 其實金澤既店鋪真係好早close, 所以當店鋪close哂後我地就去搵野食, 由於今餐冇咩planning, 出面又落緊雨, 所以都係車站食算. 我地直到而家都未食過麵同炸豬扒, 又見到有人幫襯緊,所以就入去試左個炸豬扒飯加蕎麥麵啦. 食飽又要收拾行裝上路啦, 點解只係第四日就買左咁多野既? 明明已經唔安排咁多shopping時間啦喎.但係我地買左好多當地土產, 真係冇眼睇.
沒有留言:
張貼留言