1. 自由行Package or 散買?
以前成日以為旅行社自由行套票會平D.
舉個例子啦. 我見到東瀛牛既Tasmania 2/3/4晚自選自由行,
可以係Hobart, Launceston 同Cradle Mountain自選酒店, 仲可以選幾多日.
所以都幾Flexible, 最平既Category A酒店4日8789, 另外extend一間3人房要1810 per night.
但係我發現當時Quantas做緊promotion至8月尾, 一張機票4100, 一張來往Melbourne and Tasmania
既廉航機票1100-1600, 係網上搵酒店/ Apartment / Bed and Breakfast都係1500.
以4日計既話加埋比package平成1000蚊. 而且酒店選擇比package多. 所以今次我地選擇散買.
自由行packge:
好: 1. 唔使諗咁多
壞: 1. 酒店局限多
2. 價錢比較遲Update, 有時Update得黎已經冇哂機位
2. 機票
因為今次我既免費機票係澳航既, 所以為左一齊往返,
機票上局限左係澳航. 其實Cathay同Virgin都有直航澳洲既機票.
一般黎講都係夜機出發, 早上到達澳洲.
由於我兩個朋友既機票唔係免費, 所以我都要幫佢地格價買機票.
我發現學x既機票比較平, 所以幫朋友們買左來往HK至Melbourne機票.
廉航方面, 有Jetstar同Virgin Air來往Tasmania兩大城市Hobart同Launceston.
大家如果唔想走回頭路可以選擇Melbourne => Launceston, Hobart => Melbourne.
我就係選擇左呢條路線. 另外廉航耐不耐會做promotion. e.g.由Melbourne至Launceston
要AUD59以上, 不過promotion只係AUD49. 大家要密切留意網頁.
除左基本價錢外, 佢地仲會因應寄存行李大小而收費. 通常行李去時冇回程時咁重.
所以我地由Melbourne去Launceston時就加左AUD12去寄存15kg既行李, 回程時就加左AUD15去寄存
20kg既行李.
http://www.jetstar.com/cn/zh/home
http://www.virginaustralia.com/
3. 酒店
今次我地旅程有3個人, 如果住一間3人房既話會好迫, 價錢又唔平. 與其係咁不如住
Apartment仲好. 因為可以洗衫煮食. 空間都大D.
另外我都好想住下民宿, 所以我集中火力搵民宿, Apartment, 海邊渡假小屋. 最好就係有埋Free Wifi
以下網站有好多Accomodation選擇.
http://www.stayz.com.au/
www.booking.com
因為網頁內有好多住宿選擇, 最好選D有好comment既.
另外我會睇下有冇人book, 如果多人book應該都ok卦.
此外我又會睇下Tripadvisor對該住宿既評價.
http://www.tripadvisor.com/Tourism-g255096-Tasmania-Vacations.html
4. 租車
=> 澳洲最常見既租車公司有Avis, Budget, Hertz, Eurocar, thrifty等等.
Avis同Hertz比較大但價錢貴. Budget同Eurocar都比較平,
不過加埋其他insurance雜費就好難講. 所以大家要上佢地既網頁格下價先.
好似Eurocar咁, 冇事時就平d, 但係上次我地係澳洲被抄牌, 就被Eurocar額外收多
左AUD 38.5 admin charge!
=> 記得要留意租車公司既promotion. 佢地好多時會有唔同promotion.
e.g. 免費upgrade車, rent 7days pay 6 days等等.
=> GPS方面, 通常租車時可一併租埋, 大約AUD 10一日, 如果想平d有人會去
鴨記買. 不過我地就選擇用Iphone download free nav application. 冇得入phone no.
要係地圖locate到正確位置先得, 不過都夠用架.
=> 大家租車時要小心邊d地方可以去, 因為我地第一日行程去Mornington Peninsula,
諗住係Rye住然後第二日經Sorrento Queenscliff Ferry去大洋路, 點知book左酒店後唔小心係forum
見到有人話rental car係唔可以上渡輪!! 我係Avis租車時都問過, 真係唔得架. 結果我地第二日要一早起身揸車
上Melbourne附近再去Geelong,用多左成兩個鐘半呢.
仲有既係, Avis 車係唔可以係Tasmania Bruny Island揸車架, 注意注意啊.
http://www.avis.com.au/
www.hertz.com.au/
http://www.thrifty.com.au/
www.europcar.com.au/
www.budget.com.au/
5. 申請EVisa
記住出發前要係網上申請EVISA
http://www.eta.immi.gov.au/
6. 兌錢
我係百x兌錢, 大約1AUD = 8.0x HKD
7. 插頭
澳洲係2或3扁腳, 八字腳
8. 天氣
11月係澳洲春天, Melbourne大約十多至二十幾度.
Tasmania就涼D, 幾度至二幾度.
一般黎講可以下午著短袖衫或多件jacket都ok, 夜晚就會凍D.
尤其係Tasmania, 好似bicheno夜晚睇企鵝會好凍.
Cradle Mountain山區夜晚得幾度(不過我估大家唔會出酒店房啦)
又例如Mount Wellington既話就要著厚衫, 因為真係超大風同超凍, 仲凍過bicheno夜晚.
如果去Bruny Island都要著擋到風既衫, 因為出海好大風啊.
9. 旅遊網站
http://www.discovertasmania.com.au/
10. 電話卡
根據我既research, 澳洲有幾間Operator可以提供Pre-paid Sim服務.
例如 Optus, 3, Telstra, Virgin.
Telstra係最貴既. 但係因為佢覆蓋率高, 所以係偏遠地方及Tasmania就最好.
因為我見好多Blog都講用Optus, 3既card係Tasmania 收得超差.
其實Prepaid Sim Starter Kit可以係Operator門市或Woolworths都買到.
我就買左張AUD 30既sim, 有通話, 有500MB上網. expiry date 30日,
不過要activate先得. 用哂可以recharge呢.
係operator買starter kit可以叫職員順手幫你activate埋, 30分鐘後可以用得.
11. 入境最好帶定張公司name card, 因為我同朋友兩年前試過被海關問長問短差D入唔到境. 佢地問我同朋友做邊行, 邊間公司, 地址係邊, 所以最好拎定Name Card
證明你有工做唔係去做黑工.
12. 行程參考
| 日數 | 時間 | 行程 |
| Day 1 | 8:00 | 到達Melbourne Airport, 辦理入境手續, 拎行李, 租車 |
| 11:15 | Brighton Bathing Boxes | |
| 12:15 | Mc Donald / 酒莊午餐 | |
| 15:30 | Sunny Ridge Strawberry Farm / Ashcombe maze | |
| 16:45 | Mornington Peninsula Chocolate | |
| 17:30 | Cape Schanck, 如果要入 Lighthouse要再早D | |
| 19:00 | Melbourne Peninsula Apartment Checkin | |
| 19:45 | Dinner | |
| => 起初我以為可以坐Queenscliff Sorrento Ferry去大洋路, 所以選擇住Sorrento附近既酒店, 結果book左酒店後先發現原來係唔得架, 所以大家如果去mornington peninsula再去Melbourne最好係住番近Melbourne CBD或者Mornington Peninsula北面既地方 =>我地諗住Melbourne downtown冇乜野行所以先選擇去郊區遊覽,最後一日先stay Melbourne市中心 | ||
| Day 2 | 6:30 | 起床梳洗食早餐 |
| 8:30 | Rye => Geelong | |
| 11:30 | Geelong lunch, 木頭人公仔 | |
| 13:30 | Geelong經Princes Hwy到Port Campbell The Arc | |
| 16:15 | The Arc | |
| 16:40 | Lord Arc Gorge | |
| 17:30 | 12 Apostles | |
| 18:00 | 12 Apostles => Apollo Bay | |
| 19:30 | Dinner@Apollo Bay | |
| 21:15 | Apollo Bay Casa Favilla B&B Checkin | |
| =>因為唔可以坐Ferry去大洋路, 我地要花多d時間去12門徒石, 為左快D到達我地選擇行內路Princes Hwy, 如果行大洋路去就要耐D =>其實一殷人會由Melbourne市中心出發, 經大洋路去12門徒石, 然後由Princes Hwy返Melbourne. =>其實大洋路沿途有好多lookout, 大家可以花2日1夜或3曰2夜去遊覽, 當然要視乎有冇時間啦 | ||
| Day 3 | 8:00 | 起床梳洗食早餐 |
| 10:00 | Apollo Bay => New Town | |
| 12:30 | Lunch@New Town | |
| 13:30 | New Town => Melbourne Airport | |
| 15:00 | 於Melbourne Airport入油還車Checkin | |
| 16:35 | 坐jetstar到Tasmania Launceston | |
| 17:35 | 到達Launceston, 拎行李, 於Hertz租車 | |
| 18:15 | Launceston Airport => Riverside B&B | |
| 18:45 | Riverside Trevallyn B&B Checkin | |
| 20:00 | Dinner@Launceston downtown | |
| Day 4 | 7:30 | 起床梳洗食早餐 |
| 9:30 | Riverside => honey farm | |
| 10:30 | Honey Farm | |
| 11:00 | Trowunna Wildlife Park tour | |
| 12:15 | Lunch@Mole Creek Cafe | |
| 14:00 | Mole Creek Cave and Glow Worm Tour | |
| 15:00 | 於Mole Creek Supermarket買野煮飯 | |
| 17:30 | Cradle Mountain Highlander Checkin | |
| 18:30 | 於Cottage煮飯仔 | |
| 20:30 | Dinner in cottage | |
| Day 5 | 7:30 | 起床梳洗食早餐 |
| 9:30 | 於Cradle Mt Visitor Centre買Pass, 坐shuttle入Dove Lake | |
| 10:30 | Dove Lake Walk | |
| 13:15 | 離開Cradle Mt去Sheffield | |
| 14:15 | Sheffield | |
| 15:30 | Ashgrove Cheese Farm | |
| 16:50 | Tamar Valley Moores Hill Estate酒莊 | |
| 17:30 | Brady's Lookout | |
| 18:00 | Pine Trees Villa Checkin | |
| 18:15 | 到Riverside woolworth買野煮飯 | |
| 18:45 | 煮飯仔 | |
| 20:30 | Dinner | |
| Day 6 | 8:00 | 起床梳洗食早餐 |
| 10:00 | Pine Trees Villa | |
| 12:30 | Lunch@St Helens | |
| 14:15 | Bay of Fires | |
| 16:30 | Bicheno Beach End Apartment Checkin | |
| 17:10 | Bicheno Blow Hole | |
| 18:45 | Beach End Apartment對開沙灘 | |
| 19:15 | Dinner@Sealife Centre | |
| 20:45 | Bicheno Penguin Tour | |
| 22:00 | 回Apartment休息洗衫 | |
| Day 7 | 8:00 | 起床梳洗食早餐 |
| 10:00 | 出發往Wineglass Bay | |
| 11:00 | Wineglass Bay Lookout | |
| 12:30 | Honeymoon Bay | |
| 13:00 | Freycinet Marine Farm | |
| 14:30 | Kate's Berry Farm | |
| 17:30 | Sorellx超市入油,Dinner@Sorell | |
| 20:00 | Casildahouse B&B Checkin | |
| Day 8 | 7:30 | 起床梳洗食早餐 |
| 9:45 | 出發往Port Arthur | |
| 10:30 | Port Arthur Bronze Tour | |
| 11:40 | Port Arthur Harbour Cruise | |
| 14:15 | Lunch@Meadowbank Estate | |
| 16:00 | Puddleduck Vineyard | |
| 16:15 | Richmond Bridge | |
| 16:45 | Battery Point Bruny Island Cruise報名參加明天既Bruny Island Cruise | |
| 17:00 | Sandy Bay Grosvenor Court Apartments Checkin | |
| 18:30 | Mount Wellington | |
| 19:30 | Take Away Pizza Dinner | |
| Day 9 | 7:00 | 起床梳洗 |
| 8:00 | 出發往Kettering Meeting Point | |
| 8:45 | 坐Bruny Island巴士前往Bruny Island | |
| 10:45 | Bruny Island咬包當早餐 | |
| 11:20 | 3 hours Bruny Island Cruise | |
| 14:30 | Bruny Island咬包當午餐 | |
| 17:00 | 回Kettering解散回Hobart | |
| 18:00 | 於Woolworth超市買食材 | |
| 20:00 | 煮飯仔 | |
| Day 10 | 8:00 | 起床梳洗食早餐 |
| 10:00 | 出發往Salmance Market | |
| 12:00 | Lunch | |
| 13:00 | TAS Abalone / Barilla Bay / Houn Valley | |
| 15:30 | 於Hobart Airport入油還車Checkin | |
| 17:35 | 坐jetstar往Melbourne | |
| 18:50 | 入境後坐Skybus往Melbourne CBD | |
| 20:15 | Hotel Formula one Checkin | |
| 21:00 | Dinner | |
| Day 11 | 8:00 | 起床梳洗食早餐 |
| 10:00 | 出發往Queen Victoria market, Rose Market, Melbourne CBD, Southbank, Chapel Street | |
| 18:30 | Dinner | |
| 20:00 | Woolworth掃手信 | |
| 21:15 | 坐Skybus到Melbourne Airport | |
| 21:45 | 於Melbourne Airport Checkin | |
| 23:55 | 坐Quantas回港 | |
| Day 12 | 7:00 | 飛機到達香港, 旅程就此結束, 仲有時間梳洗返工呢 |
沒有留言:
張貼留言