食在新加坡上集Day 1

行程: Orchard Road, Iggy's

從前好多人一聽到去新加坡旅行就會話"好悶喎". 隨住呢幾年新加坡政府大力發展旅遊業, 新加坡的確多左好多景點. 金莎賭場, 摩天輪, 環球影城, 商場.不過對於我黎講都仲係咁悶, 呵呵. 因為呢D景點好多都係去過一次就算. 幾年去一次已經足夠, 唔會好似日本咁成日都想去Shopping睇新野. 不過呢新加坡有樣野令我好想再去既, 就係食啦. 因為新加坡有華人之外,仲有馬拉人, 福建人, 印度人, 印尼人等等, 如果大家好似我咁鐘意食椰汁食辣野古怪野既話, 新加坡係一個好好選擇. 係我黎講我鐘意食新加坡食物多過台灣食物呢.

我已經有七年冇去新加坡啦, 復活節朋友仔大哥大嫂由加拿大回港, 佢地想去新加坡遊玩, 所以就展開左短短四日新加坡之旅啦. 因為有老人家同行, 所以行程比較Hea.

朋友仔屋企人先去新加坡, 我同朋友仔唔想請假, 所以於復活假第一日坐早機到新加坡. 由於呢個時候係出境高峰期, 所以機場餐廳food court非常多人,想搵一個位都好難, 所以唯有買個麥當當係候機處食. 之後上機都好多人,朋友仔仲見到個親戚一家人跟團去新加坡, 咁岩同機忝. 上左機因為塞機關係所以要等一陣先起飛, 所以原來12:30到達就遲到13:00先到. 好彩入境拎行李尚算暢順, 我地拎左行李諗下坐MRT定Taxi去酒店. 因為其實我地今次住既Swissotel the Stamford Hotel位於City Hall MRT, 由機場去係唔駛轉車架. 不過最後大家覺得有行李坐的士比較方便, 於是就坐的士去. 去到市中心我見到摩天輪就指俾朋友仔睇, 係呢個時候的士司機開始搭訕, 佢介紹左D景點同餐廳俾我地. 不過可惜今次冇去食到. 下次下次啦.

去到酒店Checkin程序都幾慢, 可能因為假期人多卦. 最後上到房都2:15.我地今次住Classic Room with Harbour view, 因為網上好多人都Recommend住貴少少既海景房, 因為可以欣賞濱海灣美景. 果然冇介紹錯, 一打開房門, Marina Bay Sands已經係我地面前, 行出露台仲可以見到Singapore Flyer, Marina Bay Sands, Merlion, Raffles Place等景色, 雖然天陰陰咁, 但係都好靚.

酒店景觀

我同朋友仔Settle Down後, 就用事前親戚預先寄黎既Prepaid sim cards打電話搵朋友仔屋企人, 點知打極都唔通!! 好彩收到佢地既SMS先集合到. 我地睇佢
張card既balance嚇左一跳, 因為已經係$0!!. 原來朋友仔大哥見到張card可以上網就用黎上網, 所以就扣左GPRS錢, 即係以每KB計. 佢個電話仲幫佢Sync左
唔少野, 所以好快就用哂. 我叫佢地一陣經過Starhub就top up張卡. 而我同朋友仔發現要data既話要打個電話買data, 結果我地用左SGD 7買左1GB data, 有效期7日, 係卡既SGD 18扣除. 因為我地覺得四日唔會講好多電話.

我地因為夜晚去食著名法國菜Iggy's, 所以決定今日行程係烏節路行街.我地一行六人就此向Orchard Road出發, 酒店basement可以通去City Hall MRT非常方便. 我地首先要研究下買咩票先. 因為新加坡有隻八達通ez link比較方面, 但係deposit要SGD 5冇得refund. 所以我地都係每次買票算. 但係原來我地既決定係錯既. 因為新加坡售票機既速度真係好慢. 買票時已經好一D, 到左Orchard MRT要搵番部機退SGD$1 Deposit仲慢. 原本諗住兩個人同時進行refund, 但係售票機得幾部, 人多時好多人排隊所以費事. 結果一個人一次refund六張卡就等左超過5分鐘. 我估新加坡政府要搵IT人 Tune下個System先得.

終於我地都到達Orchard Road. Orchard Road有好多大型Shopping Mall, 係一個好貴既地段. 我地首先黎到既係ION Orchard, 呢個商場都係近幾年先開. 我地決定分頭行街. 朋友仔大哥大嫂最鐘意shopping所以佢地走先. 朋友仔老豆未食lunch, 所以諗住去食粥店. 而我當然想食新加坡野啦, 所以就同朋友仔去左ION Orchard Food Opera食野, 食完再上番粥店搵佢父母.

因為今晚會食好野, 所以lunch決定叫個Roti Prata, 拉茶同半打沙爹.Orchard Road Food Court價錢比Hawker Centre貴, 因為Orchard Road地段貴, 二黎有冷氣既地方會比較貴. 味道方面, 我覺得印度油餅Roti Prata冇乜味,比我以前係Jurong West Hawker Centre食既Roti Prata差好遠. 至於沙爹就幾好味. 起碼佢既肉都唔"un", 點埋甜甜既沙爹醬好惹味.

My Lunch or Tea?

lunch過後我地上去粥店搵番朋友仔父母然後一齊係Orchard Road商場行逛.不過新加坡既衫唔價錢唔平, 所以冇特別買野. 一心都係等食晚餐. 哈哈.

我地行左ION Orchard, Wisma Atria同 Takashiyama. 6:45就直接去Hilton Hotel. 等埋朋友仔大哥之後就去Iggy's食晚餐.

Orchard Road街頭

Iggy's被譽為全球50最佳餐廳之一, 主打法國菜. 餐廳座位只有28個, 名乎其實係一間小店. 餐廳平日晚市提供較平既tasting menu, 星期五六日提供Gastronomic menu, 我地因為去固日係星期五, 所以只有Gastronomic menu供應. 而菜式係冇得選擇既, 係由Chef指定菜式, 除非你係素食者或對某D食材有特別要求. 朋友仔爸爸因為唔食dairy product, 所以佢地有D菜式係用其他食材代替.

Iggy's 門口好鬼秘

Our Menu... so expensive

前菜係一隻蠔係vinegar內, Waiter叫我地要一口氣飲哂佢. 開頭覺得vinegar好酸, 但係食到蠔時又覺得隻蠔好新鮮, vinegar仲可以令蠔冇咁苦, 即係好似點茄汁食咁.
但係佢就用左Vinegar, 所以好特別

呵呵, 我地以為呢個係另一度菜, 原來係毛巾 =D

4 Types of Snack, 搵個盒仔上已經好得意, 右上角係ice cream黎

三文魚血橙沙律, Waiter放左d野係碟上令到成碟沙律出煙, 真係幾好idea

呢碟就係一碟草!! Waiter話係天然冇加任何調味既. 我開頭拎左一條食就好菜味, 之後一次過放一堆草, 連埋左手面pad菜茸, 咁就多左幾種唔同味道,
又幾好味喎

麵包冇乜特別啦, 幾好咁啦

Foie Gras面係唔脆既, 但係成件鵝肝有溶溶感覺, 味道濃郁

食foie gras既刀好特別

整體上我覺得佢地既菜式好特別好有新意, 例如其中一度菜係一堆菜. 好多人會覺得有冇攪錯, 咁貴俾堆菜我食? 不過成堆菜放係口又幾好味架喎. 呢一餐食左成三個鐘. 仲俾左一間細房我地6個人. 係房內傾計享受美食真係好滿足. 不過價錢仲.....hmmmmm..... 超貴..... Gastronomic menu要SGD 275++ per head!!
同係日本食鐵板燒差唔多貴. 所以大家想黎試又想平d既話可以平日夜晚試SGD 195++既Tasting Menu或者lunch set.

Pasta太似米粉啦, 所以一般啦

Pigeon真係好好味, 肉嫩加埋個Cherry Sauce襯得幾好

薯仔黑松露既黑松露唔係太濃, ok啦

full哂

荔枝yoghurt好清甜, 清味蕾so refreshing ^^

由於我係泰國食過更好味既椰子雪糕, 所以雪糕一般, 但係夾埋朱古力Hazelhut食就唔錯

咖啡就普通左D, 朋友仔大嫂叫左Earl Grey Tea, 佢話好香好好飲

Waiter拎左一堆Petit 4黎叫我地選, 其實好想試哂不過太飽咋 =P
Marcoon唔甜好味, 隔離既朱古力開頭以為係dark, 原來竟然係white chocolate!!
我平時唔鐘意食white chocolate, 因為太甜, 但係呢粒食落幾ok喎, 因為同一般白朱古力唔同味架.

食完飯我地就搭番MRT返酒店休息. 到左11:00時, 突然聽到出面有音樂聲, 出露台一睇, 原來對面金莎好多人坐係度睇night show. 我地見到Marina Bay Sands有激光射出, 水面有D噴水表演, 令到濱海灣生色唔少. 表演大約15分鐘. 我估大家去Marina Bay Sands睇會睇得清楚D水上表演.

部退款機真係好慢呀, 仲要6個人既票.....

夜晚係酒店望出去又唔同感覺

Laser由Marina Bay sands射出

實用資料:
IGGY's
有名法國餐, 由於係小店, 所以要求book位同提供credit card info.
餐廳位於Hilton Hotel內, 所以有dress code, no shorts, slippers, etc
http://www.iggys.com.sg/

Swissotel the Stamford Hotel
http://www.swissotel.com/EN/Destinations/Singapore/Swissotel+The+Stamford/Hotel+Home/Hotel+Description
好處:
1. Classic Room with Harbourview望景一流, 眺望Marina Bay Sands,
Singapore Flyer, Merlion, Esplande, Raffles Place.
2. 有大露台.
3. Hotel位於City Hall MRT, 係酒店basement可以通去MRT, 非常方便,
尤其係落雨.
4. Hotel隔離就係Raffles City Shopping Centre, basement或經City Link
可以通去Suntec City, Marina Square, Esplande, 落雨行街shopping都唔驚.
5. 由於酒店可以通往各大商場, 所以周圍好多野食.
6.酒店早餐Buffet選擇多.

壞處:
1. 房間比較舊.
2. 唔知係咪復活節, 早餐太多人排隊入內
3. 冇free wifi

Singapore MRT
http://www.smrt.com.sg/main/index.asp

ION Orchard
http://www.ionorchard.com/