今朝一早起身行左出去Surfers Paradise沙灘影相, 因為呢個連綿40公累里既沙灘係黃金海岸既地標, 所以一定要黎行下. 不過由於浪大,所以只適合滑浪, 不宜游水.
我住既酒店行一條街就可以到達沙灘, 可惜天氣唔係太好, 所以影既相好灰.
影完相我地就去食酒店早餐, 由於我地住三星酒店, 所以對早餐冇乜期望. 個buffet雖然選擇唔多, 但係都味道都ok啦. 食飽飽就開始今日行程, 我地首先揸車送肥仔同團友M去Wet 'n' Wild, 然後我地三個就去左Dream World玩, 我地係固度睇左老虎show, 玩左好多機動遊戲, 最攪笑以為一個叫Tower of Terror係鬼屋, 點知入到去先發現係過山車, 有個唔玩過山車既團友要縮沙已經太遅, 攪到佢係冇任何心理準備下獻左佢既第一次 =P
我地玩到4:xx就揸車番酒店, 會合其他兩個團友, 揸車去Sea World Drive既盡頭睇日落, 呢個地方係gold coast agent介紹既. 佢話六點一,二個字係最好, 但係我地一路揸去一路見到太陽已經落緊山, 去到時太陽已經落哂山啦. 好掃興呀.
睇完日落我地去左附近搵野食, 有個團友嚷住話要食飯, 大佬呀, 呢度澳洲黎架, .點搵飯俾你食呀.....
行行下見到有間石燒, .見到飯套餐喎, 為左呢個團友我地就入左去食啦, 我叫左個海鮮Combo. 幾好食.
食完都成九點幾, 要快D返酒店休息, 因為第二朝要三點起身玩熱汽球呀.
沒有留言:
張貼留言